Cynigion a Gwelliannau i’w Trafod ar 16 Tachwedd 2010
Cynigion a gyflwynwyd ar 23 Tachwedd 2010
NDM4591 Jane Hutt (Bro Morgannwg)
Cynnig bod Cynulliad Cenedlaethol Cymru, yn unol â Rheol Sefydlog 24.4:
Yn cymeradwyo bod y fersiwn drafft o’r Gorchymyn Eithriadau Gwarchod Plant a Gofal Dydd (Cymru) 2010 yn cael ei lunio yn unol â’r fersiwn drafft a osodwyd yn y Swyddfa Gyflwyno ar 22 Hydref 2010
NDM4592 Jane Hutt (Bro Morgannwg)
Cynnig bod Cynulliad Cenedlaethol Cymru yn croesawu'r cynnydd sy'n parhau i gael ei wneud ar weithredu rhaglen Cymru'n Un Llywodraeth y Cynulliad.
Gallwch weld dogfen Cymru'n Un drwy glicio ar y ddolen hon:
http://wales.gov.uk/about/programmeforgovernment/strategy/publications/onewales/?skip=1&lang=cy
NDM4593 Jane Hutt (Bro Morgannwg)
Cynnig bod Cynulliad Cenedlaethol Cymru yn nodi 'Uchelgeisiau i’r dyfodol: datblygu gwasanaethau gyrfaoedd yng Nghymru' ac yn croesawu cynnig Llywodraeth y Cynulliad i sefydlu strwythur sy'n uno ar gyfer Gyrfaoedd Cymru.
Cafodd gopi o 'Uchelgeisiau i’r dyfodol: datblygu gwasanaethau gyrfaoedd yng Nghymru' ei anfon drwy'r e-bost at Aelodau'r Cynulliad ddydd Mawrth 16 Tachwedd 2010.
Gwelliannau a gyflwynwyd ar 18 Tachwedd 2010
Cynnig bod y Cynulliad yn penderfynu mabwysiadu’r gwelliannau isod i gynigion:
NDM4592
1. Nick Ramsay (Mynwy)
Ar ôl ‘Llywodraeth y Cynulliad' rhoi:
Ond yn mynegi pryder ynghylch y diffygion parhaus mewn perfformiad ar draws gwasanaethau cyhoeddus yng Nghymru.
2. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn gresynu bod Llywodraeth Cynulliad Cymru wedi methu buddsoddi digon mewn uwchraddio adeiladau ysgolion yn ystod y cyfnod o dwf yn y gyllideb, fel y gosodir allan yn Cymru'n Un.
3. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn gresynu wrth y methiant parhaus i gyrraedd y targedau amseroedd aros sydd wedi'u gosod allan yn Cymru'n Un.
4. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn gresynu wrth fethiant Llywodraeth Cynulliad Cymru i gynyddu'r cyflenwad o dai fforddiadwy fel sydd wedi'i osod allan yn Cymru'n Un.
NDM4593
1. Nick Ramsay (Mynwy)
Ychwanegu pwynt newydd ar ddiwedd y cynnig:
Yn galw ar Lywodraeth Cynulliad Cymru i weithredu argymhellion yr adroddiad Uchelgeisiau i'r dyfodol yn llawn mewn ffordd amserol a phriodol.
2. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn credu ei bod yn rhaid rhoi cyngor gyrfa heb ragfarn ac er budd y myfyriwr.
3. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn credu y dylid integreiddio entrepreneuriaeth gymdeithasol i'r cyngor gyrfa a roddir gan y corff gyrfaoedd newydd.