Y Dirprwy Weinidog Diwylliant, Chwaraeon a
Thwristiaeth
Mae'r manylion cyswllt a ddarperir yn uniongyrchol ar
gyfer Dafydd Elis-Thomas yn ei rôl fel Aelod Cynulliad, a
dylid eu defnyddio os ydych yn dymuno cysylltu ag ef yn y rôl
hon. Os ydych am gysylltu â Dafydd Elis-Thomas yn ei
rôl cwbl ar wahân fel Gweinidog yn Llywodraeth Cymru,
defnyddiwch y manylion cyswllt Gweinidogol ar wefan Llywodraeth
Cymru:
http://llyw.cymru/about/cabinet/writingtoministers/?lang=cy
Prif ddiddordebau a chyflawniadau
Mae Dafydd Elis-Thomas yn mwyhau treulio ei amser
hamdden yn cerdded mynyddoedd, a loncian o’r bwthyn teuluol
ger Betws-y-Coed. Mae Dafydd Elis-Thomas hefyd yn weithgar gyda'r
Eglwys yng Nghymru.
Hanes personol
Mae Dafydd Elis-Thomas wedi byw y rhan fwyaf o'i
fywyd ym Mharc Cenedlaethol Eryri.
Cefndir proffesiynol
Mae’n gyn ymchwilydd a chyn athro mewn addysg
oedolion ac addysg uwch.
Hanes gwleidyddol
Cafodd ei ethol gan ei gyd-Aelodau yn Llywydd y
Cynulliad Cenedlaethol yn 1999, 2003 a 2007, ac mae wedi bod yn
flaenllaw yn y gwaith o wella a diwygio ffyrdd y Cynulliad o
weithio.
Mae’r rhain yn cynnwys Pwyllgor Deisebau
hygyrch, Rheolau Sefydlog clir a newydd, ac ymgyrch
‘Pleidleisio 2011’ er mwyn hybu pleidleiswyr ifanc
newydd i gofrestru i bleidleisio. Cyflwynodd hefyd ddeddfwriaeth
newydd i sicrhau bod amodau gwaith staff a chyflogau
Aelodau’r Cynulliad yn cael eu penderfynu gan Fwrdd Taliadau
annibynnol, yn ogystal â Chomisiynydd Safonau annibynnol a
chadarn ar gyfer Aelodau’r Cynulliad er mwyn hybu bywyd
cyhoeddus o'r ansawdd gorau.
Yn ystod y Pedwerydd Cynulliad (2011 – 2016),
bu Dafydd yn aelod o Bwyllgor Menter a Busnes y Cynulliad
Cenedlaethol, ac yn aelod o’r Pwyllgor Materion
Cyfansoddiadol a Deddfwriaethol.
Ym mis Hydref 2016, gadawodd Dafydd Plaid Cymru a
daeth yn Aelod Cynulliad Annibynnol.