Amrywiaeth a chynhwysiant
Mae Comisiwn y Cynulliad wedi ymrwymo i werthfawrogi amrywiaeth, hyrwyddo cynhwysiant a mynd i'r afael ag anghydraddoldeb fel cyflogwr a chorff sy'n darparu gwasanaethau. Ar y tudalennau hyn, rydym yn esbonio ein gweledigaeth a'n gwerthoedd yng nghyd-destun amrywiaeth a chynhwysiant, y rhesymau drostynt a sut rydym yn bwriadu eu gwireddu.
Strategaeth amrywiaeth a chynhwysiant
Mae Strategaeth Amrywiaeth a Chynhwysiant 2016-21 yn esbonio sut rydym yn bwriadu gwireddu ein gweledigaeth yng nghyd-destun amrywiaeth a chynhwysiant.
I gyd-fynd â'n Strategaeth, rydym yn cydweithio â thimau drwy'r sefydliad i ddatblygu cynllun gweithredu a fydd yn gydnaws â'u cynlluniau ar gyfer eu meysydd gwasanaeth. Rydym yn defnyddio canlyniadau ein hymgynghoriad a'r gweithgareddau cyfranogi eraill rydym wedi'u cyflwyno wrth baratoi'r cynllun gweithredu a gaiff ei gyhoeddi yma ar ôl ei gwblhau.
Cynulliad Cenedlaethol Cymru Strategaeth Amrywiaeth a Chynhwysiant 2016-21 (PDF, 2.46MB)
Cynulliad Cenedlaethol Cymru Strategaeth Amrywiaeth a Chynhwysiant 2016-21 (Word, 573KB)
Asesiadau effaith cydraddoldeb
Rydym yn cynnal asesiadau effaith ar gydraddoldeb er mwyn sicrhau bod polisïau, arferion a gwasanaethau a gaiff eu dylunio gennym yn deg a chynhwysol. Mae'r dull hwn hefyd yn ein helpu i fodloni gofynion dyletswyddau cydraddoldeb y sector cyhoeddus. Byddwn yn cyhoeddi ein hasesiadau effaith cydraddoldeb yma ar y dudalen hon, pan fyddant ar gael. Mae’r dogfennau hyn yn rhai byw, fydd yn cael eu hadolygu’n rheolaidd.
Cynllun leithoedd Swyddogol ar gyfer y Pumed Cynulliad (PDF, 848KB)
Ein gwaith blaenorol
Mae ein Cynllun Cydraddoldeb yn nodi ein hymagwedd tuag at fodloni ein hamcanion cydraddoldeb. Cliciwch yma i gael gwybod mwy am y cynllun.
Mae Cynulliad Cenedlaethol Cymru a Chymdeithas Llywodraeth Leol Cymru wedi rhedeg peilot cynllun mentora a chysgodi yn ddiweddar, am bobl o grwpiau nad ydynt yn cael eu cynrychioli’n ddigono.