​​​​​​Y Ll​​ywydd​

Mae rôl Llywydd y Cynulliad Cenedlaethol yn adlewyrchu rolau Llefarwyr a Llywyddion mewn seneddau ledled y byd. Er y gall union gyfrifoldebau'r swydd amrywio o wlad i wlad, a bod gwahanol deitlau ganddynt, mae'r rôl yn debyg.

Y Llywydd sy'n cadeirio'r Cyfarfod Llawn​, gan aros yn wleidyddol ddiduedd bob amser. Mae'r Llywydd yn chwarae rhan weithgar wrth gynrychioli buddiannau'r Cynulliad a buddiannau Cymru yn genedlaethol, yn y DU ac yn rhyngwladol. Mae hefyd yn cadeirio Comisiwn y Cynulliad.

Mae pob Llywydd yn dod â'i bersonoliaeth a'i bwyslais ei hun i'r swydd. Yr Aelod Cynulliad dros Blaid Cymru, Elin Jones, yw Llywydd Cynulliad Cenedlaethol Cymru ar hyn o bryd, ac mae ganddi dair blaenoriaeth:

• Gwneud Llywodraeth Cymru yn fwy atebol i'r Cynulliad a phobl Cymru;
  
• Gwneud gwaith y Cynulliad yn fwy perthnasol ac amserol trwy drawsnewid y ffordd yr ydym yn rhannu gwybodaeth.
  
• ​Manteisio i'r eithaf ar yr adnoddau sydd ar gael i'r Cynulliad, a'i gryfhau trwy roi pobl Cymru wrth wraidd proses y Cynulliad o wneud penderfyniadau.
  

Cewch y wybodaeth ddiweddaraf am y Llywydd drwy ddilyn @yLlywydd ar Twitter. Gallwch hefyd gysylltu â hi drwy e-bostio Llywydd@cynulliad.cymru.​​​